加密貨幣市場真係可以好癲！迷因幣又再捲土重來，今個週期平均回報率高達1,312%，仲不斷製造緊新晉百萬富翁。老實講，以而家經濟環境咁差，初頭我真係睇到眼都凸埋 — 點解啲人會夠膽喺經濟衰退嘅時候，將血汗錢掟落去啲柴犬同青蛙幣度？點計都計唔通... 事後孔明個個都識，等我同大家拆解吓今次迷因幣狂熱嘅先兆，同點解會走漏眼。當搞笑網絡潮語撞正一班加密貨幣癡漢，佢哋就會生個BB出嚟，再用社交媒體瘋狂炒作餵大佢。一個炙手可熱嘅迷因幣就咁誕生啦! 但同比特幣唔同，迷因幣堅稱自己係完全冇用途㗎， 佢哋唔解決任何金融/互聯網/區塊鏈嘅問題，又冇顛覆性創新，係零實際效用。 案例1：狗狗幣(DOGE)。本來係個笑話，而家就笑住賺大錢。不過大部分迷因幣都係得個玩字，唔少人喺2021年個市頂入咗Floki幣(FLOKI)，撳完買入掣15秒後就暴跌。 迷因幣根本就係加密版老虎機，純賭錢，純賭運。 而家迷因幣又再癲過，有唔少人靠''投資''新興迷因幣賺到笑。所謂投資，其實即係賭博，不過佢哋賭贏，點講都得。 歷史數據同加密市場嘅樂觀情緒，推住投資者走向更高風險。簡單講，即係大家膽粗粗接火棒，博取更高回報。原因好簡單
